मासिक पाळीच्या वेदनांसाठी कोणते औषध घ्यावे?

मासिक पाळीमध्ये होतात प्रचंड वेदना? मग 'या' रामबाण घरगुती उपायांनी मिळू शकतो आराम!

हिवाळ्यात स्त्रियांचा मासिक पाळीचा त्रास तेव्हा वाढतो जेव्हा पाळी अनेक दिवस चालते व या दरम्यान त्यांना भरपूर शारीरिक त्रास होतो. असं तर मासिक पाळीतील वेदना ऋतू कोणताही असो त्या होतच असतात पण हिवाळ्यात हा त्रास जास्त वाढतो. अनेक स्त्रियांचा अनुभव हाच आहे की हिवाळ्यात त्यांना तीव्र पोटदुखीचा सामना करावा लागतो. एक्सपर्ट्सचं म्हणणं आहे की हे बायोलॉजिकल देखील असू शकतं आणि काही इतर गोष्टी जसं की, डाएट व शरीरात पाण्याची कमी (how to avoid dehydration) देखील वेदनांना आणखी तीव्र करते. हिवाळ्यात जेव्हाही मुली आपल्या आईकडे पोटदुखी किंवा कंबरेतील वेदनांबद्दल तक्रार करतात तेव्हा आई नेहमी हेच सांगते की ही एक नैसर्गिक समस्या असून प्रत्येक मुलीला हा त्रास सहन करावाच लागतो.

पण अनेक मुलींची हिच तक्रार पुढे येऊ लागली आहे की वातावरणातील थंडावा जस जसा वाढेल तस तसं पीरियड्स क्रॅम्प्स (home remedies for period cramps) व पीरियड पेन (remedies for period pain) साधारण वेदनांपेक्षा अजूनच वाढू लागतं. मासिक पाळीमध्ये महिलांना विविध समस्यांचा सामना करावा लागतो, त्यामध्ये मुड स्विंग्स (mood swings), ओटीपोटातील वेदना (abdominal pain), कंबर व पाठदुखी (back an lower back pain) व यासोबतच डाएटमध्ये उतार-चढाव करणारी विविध पदार्थ खाण्याची इच्छा होते. या सा-यामुळे खूप चिडचिड होते, रडू कोसळतं, मन उदास होतं. त्यामुळे आपण जाणून घेऊया की इतर वेळी सामान्य असणारा मासिक पाळीतील त्रास हिवाळ्यात जास्त का वाढतो व मासिक पाळीतील वेदना कमी करणारे रामबाण घरगुती उपाय कोणते?

उष्णता

पोटाच्या खालील भाग म्हणजेच ओटीपोट, पाय व पाठ शरीराचे असे भाग आहेत ज्यामध्ये साधारणत: पीरियड्स पेन होतं. या भागांना उष्णता दिल्याने तुम्ही हिवाळ्यात होणा-या मासिक पाळीतील वेदनांपासून स्वत:चा बचाव करू शकता. तसंच जीऱ्याचं पाणी प्यायल्याने ओटापोटात होणाऱ्या त्रासापासूनही आराम मिळतो. जिऱ्यांमध्ये असलेल्या लोहामुळे महिलांना मासिक पाळी दरम्यान होणारा त्रास कमी होतो. यासाठी एक चमचा जिऱ्यात एक चमचा मध मिसळून त्याचं दररोज सेवन करा. गरम पाण्याच्या पिशवीने ओटीपोट व कंबर शेकवा आणि हे शक्य नसेल तर गरम गरम पाण्याने दिवसातून दोन वेळा अंघोळ करा.

पौष्टिक व सात्विक आहार घ्या

सुट्टीच्या दिवसांत व हिवाळ्यामध्ये सतत काही ना काही खाणं खूप साधारण गोष्ट आहे. हिवाळ्यात आपण कमी पाणी पितो त्यामुळे भूक वाढते, त्यामुळे लंच व डिनरच्या मधल्या वेळेत आपण इतर चटर-पटर अशा जंक फुडचं सेवन करतो. यामुळे पोट फुगण्याची समस्या निर्माण होते. वेळेप्रसंगी गॅस, अॅसिडिटी, अपचन अशा समस्याही उद्भवतात. असं होऊ नये व मासिक पाळीतील त्रास वाढू नये असं वाटत असेल तर या दिवसांत पौष्टिक व सात्विक असा घरातील आहार घ्या. यामुळे पोट व आरोग्य दोन्ही चांगलं राहू शकतं.

जास्तीत जास्त पाण्याचं सेवन करा

नियमित २ ते ३ लीटर पाणी पिणं अत्यंत आवश्यक असतं त्यामुळे या गोष्टीकडे आवर्जून लक्ष द्या. शरीरात पाण्याची पातळी योग्य असल्याने अनेक समस्या व आजार सहज दूर होतात. पाण्यामुळे शरीरातील रक्तप्रवाह सुधारतो व मासिक पाळीतील वेदना कमी होतात. हिवाळ्यात जास्त तहान न लागल्याने २ ते ३ लिटर पाणी पिण्यास कोणती समस्या येत असेल तर पाण्यात लिंबू पिळून तुम्ही त्याचं सेवन करू शकता. याव्यतिरिक्त तुळशीच्या पानांच्या रसात एक चमचा मध मिसळून प्या. धने किंवा बडिशेपच्या दाण्यांचा काढा दिवसातून एकदा घ्या. धने किंवा बडिशेप रात्रभर पाण्यात भिजवून ठेवा आणि सकाळी हे पाणी प्या. अशा विविध पद्धतीने शरीर हायड्रेटेड ठेवण्याचा प्रयत्न करा.

दालचिनी व हिंग

जगभरात दालचिनी ही उन्हाळा व हिवाळा दोन्ही ऋतूंमध्ये मोठ्या प्रमाणात वापरली जाते. दालचिनी हिवाळ्यात शरीराला आतून उष्णता प्रदान करण्याचा प्रयत्न करते. दालचिनी मध्ये एंटीस्पेज्मोडिक गुणधर्म असल्यामुळे पीरियड्स क्रॅम्प्सपासून आराम मिळतो. तसंच याचा डिसमेनोरियाची लक्षणं जसं की, पीरियड पेन, क्रॅम्प्स, ब्लीडिंग, मळमळ, जीव घाबराघुबरा होणं, चक्कर येणं व उलटीवर सकारात्मक परिणाम दिसून येतो. तर नियमित स्वरुपात स्वयंपाकामध्ये हिंगाचा वापर करू शकता. तसंच हिंगाचं सेवन केल्याने पोटाखालील अवयवांचे स्नायू मजबूत होण्यासाठी, या अवयवांमधील लवचिकता वाढण्यासाठी आणि मासिक पाळीदरम्यान होणाऱ्या वेदना दूर करण्यासाठी मदत मिळते.

योगाभ्यास व चालत-फिरत राहा

घरात चालत व फिरत राहिल्याने व नियमित योगाभ्यास केल्याने मासिक पाळीत होणा-या वेदनांपासून तुम्ही मुक्ती मिळवू शकता. असे काही खास योगासने देखील आहेत जी पीरियड पेन पासून आराम मिळवून देण्यास लाभदायक ठरतात.या दिवसात शक्य तेवढा आराम करा. पुस्तके वाचा, संगीत ऐका. यामुळे मन आनंदी राहील. याव्यतिरिक्त घट्ट कपडे घालणं शक्यतो टाळा. मीठाचे सेवन कमी करा. आपल्या ओटीपोटाची गरम तेलाने मालिश केल्यास पाळीत होणारी वेदना कमी करता येते. एक ग्लासभर दुधात १ चमचा हळद मिसळुन घेतल्यास लाभ होतो. पाण्यात हळद, तेजपान, तुळशीची पाने व गुळ टाकुन त्यांचा काढा घेतल्यास मासिक पाळीतील वेदना कमी होतात.

पीरियड पेन किलर ड्रिंकची रेसिपी

ओवा गरम तव्यावर भाजून घ्या. गॅस मध्यम आचेवरच ठेवा. ओवा भाजत असतानाच त्यामध्ये चिमूटभर हिंग टाका आणि ओवा हलक्या स्वरुपात भाजून घ्या. हिंग पावडर भाजायची नाहीय तर फक्त ओव्यासोबत किंचितशी गरम करायची आहे. जास्त गरम तव्यावर हिंग भाजल्यास ती करपण्याची शक्यता आहे. हिंग आणि ओव्याचे मिश्रण तयार करून एक ग्लास ताकामध्ये हे मिक्स करावे. यानंतर ताकामध्ये एक चमचा मेथी पावडर आणि काळे मीठ टाकावे. सर्व सामग्री नीट ढवळून घ्यावी. तयार झाले आपले पीरियड्स पेन किलर ड्रिंक!